社交焦慮唔需要食藥

Chung, catman_ 2018 年 4 月 14 日 0 案例 , 社交焦慮

C417 女24 社交焦慮問題

佢嘅問題係，面對一啲聚會或者要出席一啲場合,佢就會非常焦慮唔想去，見到陌生人就會驚。

佢口中既起源：
因為有一次朋友結婚嗰度有男有女，臨行前就心跳加速，出發時開始驚，就係嗰件事之後開始有問題，後來就發展到呢連見朋友都想逃避。

用催眠回溯，回溯到嗰次婚禮之前咁佢就有個想法就係怕失禮。佢驚表現又唔好，融入唔到，亦都驚幫唔到手。

不過我知道呢啲唔係主要原因，所以我回溯到更早嘅事情，就係十幾歲嘅時候一次佢屋企食飯。屋企嚟咗一啲親友, 佢阿媽就同啲親友傾計嘅時候講到，兩姊妹係佢家姐靚d，妹（事主）唔靚。

呢件事令佢產生有負面想法，佢好無自信，覺得自己有d醜，同埋永遠都做唔到標準，永遠都唔夠靚。

佢認為需要好努力好努力咁樣做好，所以喺某啲場合，佢就有某種唔開心需要好努力嘅感覺，同時因為做唔到標準，佢有羞恥心，會想做返自己又做唔到。

佢更新咗想法就認為自己呢已經比其他人好好，做返自己，停止同人比較，亦都唔介意人哋點睇。

佢竟然向我表示係改變咗少少（我有點驚奇只係小小）

佢表示少左心跳嘅感覺,但依然唔想去嗰啲類似聚會嘅場合,佢想去嗰啲場合,但又驚左唔想去，有種厭惡嘅感覺。

因此，我估計佢嘅問題係來自複合嘅原因或者根本係兩個問題重疊，再一次回溯到更早嘅時間，並且確定係嗰種厭惡感覺根源既時間。

事情去到七歲，當日係事主嘅生日party。

喺生日party嗰度，有位阿姨叫佢過嚟影相但佢一時無理到，因為佢掛住玩一個新玩具，阿姨就話事主曳。

佢既感覺就好唔開心，同埋認為自己唔受歡迎，俾人唔鍾意。

佢嘅諗法就係明明冇做錯嘢，點解要咁惡對佢。只要唔夠乖，人就唔鐘意佢。而更重要嘅呢就係佢個隱性想法，就係明明一啲開心嘅場合例如生日party都會出現唔開心嘅事。
例如會受到批評或比人開玩笑。

更新信念嘅佢明白到個阿姨仔係唔鍾意佢嘅行為而唔係唔鍾意佢個人並且呢佢明白開心嘅場合亦都會發生開心嘅事當時只係個別事件唔能夠用個別事件對衡量將來嘅開心場合

因為佢認為開心嘅場合或者一啲朋友聚會呢類場合會發生唔開心嘅事所以佢逃避呢d場合,潛意識讓佢有厭惡既感覺，而佢更新咗之後，亦明白再冇需要再厭惡呢啲地方，可以輕輕鬆鬆咁樣去享受社交。